MAUBERE NIA SOFREMENTU DURANTE ESTUDO

HAU NIA ISTORIA BADAK NE'EBE HAU HASORU

Uluk hau sei ki'ik hau eskola iha hau nia Aldeia Bidauk Suku Bubususu depois de hau akaba hau nia estudu iha SD hau kontinua iha eskola iha SMP fohorem, Suai kovalima, konaba hahan hau araska tebes dala ruma hau ho hau nia primo Januario han deit aidila okir ho fehuk dikin de'it han hodi kontinua hau nia eskola. Depois de funu tama iha tinan 1999 hau ba iha Atambua hodi kontinua hau nia estudu maibe hau la konsege eskola tamba hau la iha finanseiru ne'ebe suficiente atu nune'e bele suporta hau atu escola, entaun ho razaun ida ne'e hau tengke hein fali ema nia karau atu nune'e hau bele han netik etu bikan ida hodi sustenta hau nia moris depois ida ne'e , iha tinan 2001 hau nia tiu naran Fernando da Costa hetan hau ho hau nia primo Januario iha Sub-Distritu Kobalima, Wemasa nia lori hau ba iha SOE, TTS nia komesa hatama hau ba eskola iha So'e (TTS) iha SMU EFATA, Soe. iha 12 de fulan julho tinan 2002, hau fila fali mai Timor Leste hodi kontinua hau nia estudu iha escola secundaria 1912 Maun-Fahe, Same depois ida ne'e hau komesa kontinua hau nia estudu iha Akademika Relasaun internasional (ARI) iha tinan 2003 depois iha tinan 2004 de Julhu hau mai teste ezame admisaun iha Universidade Nacional de Timor-Lorosa'e (UNTL) iha tinan 2004 konsege pasa ka liu. Agora hau nu'udar mos estudante finalista iha Universidade Nacional Timor Lorosa'e iha Fakuldade Ekonomia, hau mos agora hanesan Chefe HMJ ba departementu Estudu dezenvolvimentu. Iha Fakuldade Ekonomia hau ho kolegas sira hala'o aktividades estudantes nian barak, ami mos hakerek istoria balun iha Fakuldade Ekonomi hanesan ami halo bandeira Klubu akademika no bandeira Klubu Ekonomia nian, Iha eskola hau nia servisu hanesan ajuda Vise-Dekanu III Assuntu Estudantil

iha Fakuldade Ekonomia, de vez enquandu hau bele dezenho sertifikadu ba estudantes foun ne'ebe tama iha tinan 2008 e mos ba estudantes jogadores Fakuldade de Ekonomia nian. Obrigadu ba no Apa Antonio no Ama Helena ne'ebe sei suporta nafatin hau nia estudu ida ne'e, no lahaluha ba maromak ne'ebe sei fo hau nia vida naruk hodi estuda nafatin to'o iha escola superior hanesan Universidade Nasional Timor Lorosa'e. Iha fulan Marsu tinan 2009 hau konsege hala,o hau nia estajiu iha Distritu Baucau Sub-distritu Vemasse, Suco Vemasse Tasi, iha ami nia grupu ne'e hau sai hanesan Vise koordenador ba ami nia grupu ho objektivu atu aseleira programa de estajiu nia to'o remata, hosi sorin seluk hau sai henesan delegasaun do grupu atu buka fundus hodi suporta ba ami nia programa de estajiu nia. Ho grasa wa'in maromak nian no mos aman e inan doben ne'ebe hanesan motivator ba hau nia estudu.Iha Tinan 2010 hau pasa ezame proposal no iha loron 9 fulan Dezembru 2010 hau pasa fali ezame teze nian hanesan kriteria ida atu hetan Licenciatura (L.Ec), Bazeia ba programa Universidade nian katak ami sei simu garaduasaun iha loron 18 de Agusto de 2011 iha Centru de Convensoens Dili. Iha momentu ne'e depois ami hetan graduasaun hotu hau nia amigus C. HOUSE Fakuldade de Ekonomia e Gestaun hein tiha ona ami hodi hasai imagens hamutuk ho sira bainhira ami sai mai iha Centro de Convensoens Dili nia oin, husi sorin seluk ami C. HOUSE oan sira sempre unidus nafatin, amigus C. HOUSE sira mak hanesan: BAPAK LALU, BAPAK GIL, BAPAK NAFER, BAPAK SIZU, BAPAK NEVES, BAPAK AGUS, BAPAK ROGER, BAPAK SUSAR, BAPAK AQUINTO DAN IBU-NYA no MAMA TELLA, MAMA MADA, MAMA NELA, MAMA ALU, MAMA NOY no seluk-seluk tan ne'ebe la marka prezensa iha loron graduasaun ne'e. VIVAC.HOUSE E HASTA LA VISTA VITORIA SIEMPRE.

Editorial Pelo: Carmo - Mau-ini

MAUBERE NIA ESTAGIO

Rabu, 10 Juni 2009

VALORIZA ITA NIA PRODUTU LOKAL

Nasaun Timor Leste hanesan nasaun ida ne'ebe jovem tebes iha mundo ho ninia independensia foin tinan hitu mas dezenvolvimentu hakat ona ba oin, mas atu minimiza importasaun ne'ebe a'as iha ita nia rain persiza ita foti desizaun ida ne'ebe forte hodi minimiza importasaun ne'e maibe la'os atu minimiza total. Hosi sorin seluk Timor riku tebes ho ninia produtu ne'ebe rai ne'e iha entaun atu haburas no valoriza produtu lokal ne'ebe ita iha persiza ita timor oan rasik tengke hadomi no tane a'as ita nia produtu ne'ebe ita iha.

Produtu Lokal iha timor barak no oi-oin deit hanesan Hare, Batar, Fehuk, Ai-farina e Talas no Modo Tahan sira hanesan Modo Mutin, Modo Metan, Senora, Repolho, Kangkung, Fehuk Ropa Buat sira ne'e hotu hanesan ho sasan ne'ebe ema emprezarial bo-bot sira importa mai ita nia rai laran, entaun atu valoriza no dezenvolve ita nia produtu ita rai ida ne'e em prinsipal maka ita tengke hadomi ita nia produtu rasik no ita tengke konsume ita nia produtu atu nune'e bele aseleira dezenvolvimentu ekonomia lokal no komunidade sira sinte bele iha du parte balun ne'ebe iha hanoin diak hodi foti no tane a's sira nia produtu ne'ebe sira produs entaun hosi sorin seluk konaba sirkulasaun ba osan sempre iha rai laran deit, osan ne'e sei la sai ba iha rai liur ne'eba.

Selasa, 02 Desember 2008

FOTO HAU HO HAU NIA KOLEGAS SIRA

Foto amigo Amomo ne'ebe hamrik iha Estatua amo papa Joao paulos II iha tasi tolu Dili bainhira ami fila husi liquisa depois de hala'o tiha programa de pasa feriashusi universidade ho kolegas sira hotu iha tasi Liquisa nian

Foto ne'e mak hau nia amiga Sugeti ne'ebe mos hamrik iha eskada atu sa'e ba estatua amo papa II iha tasi tolu Dili.

Abin ne'e mak naran Monica ne'ebe hamrik iha tasi ibun Liquisa nian hodi hamnasa la los no oin baruk e kole los.



Abin Deti ne'ebe hamrik kapa'as los iha quadro de inagurasaun de estatua de amo papa Joao Paulos II iha tasi tolu Dili.


Foto ne'e hau ho Lina hamrik hamutuk iha Estatua Amo Papa Joao Paulos II iha Tasi Tolu Dili Parte weste dalan ba Liquisa nian

Ida ne'e hau ho hau nia kolega sira prepara an atu sa'e kareta ba hala'o estajiu iha baukau Sub-Distritu Vemasse Suku Vemasse Tasi.

Ne'e hau ho kolegas sira halo intervista no observasi problemas ne'ebe komunidade sira infrenta iha baze liu-liu iha suco Vemasse Tasi Aldeia Betulale, Lor, maibe ami konsege identifika problema hanesan Pesti (Hama) ne'ebe estraga sira nia hare no ai horis sira seluk.

Ida ne'e hau ho kolega Jonast ne'e koalia konaba oinsa maka ami bele hetan osan hodi hala'o ami nia programa de Estagio iha Suco Vemasse Tasi no konsege sira hili hau sai hanesan delegasaun buka fundus maka hau rasik.

Ne'e hau ho kolegas sira bainhira ami ba Estagio ami mos hetan karta de konvite hosi Saude sira atu partisipa iha loron boot Mundial Tubercolose iha Suco Vemasse Tasi, Sub-distritu Vemasse, Distritu Baucau.

Ne'e mak ami nia Chefe do Grupu XIII Sr. Joao Madeira ne'ebe hamrik iha odamatan ne'e.

Foto ne'e ami hasai iha Com Distritu Lospalos bainhira ami ba Estagio iha vemasse Sr. Chefe do Suco Vemasse Tasi Carlos Freitas lori ami ba iha com. Ema sira ne'e mak naran Carmo, Asipio, Ataide, Edu Kabosu.

Foto ne'e hau nia bin ho nia kolegas sira ne'ebe Estagio iha Sub-Distritu Laleia distritu Manatuto

Iha programa estagio ne'e sempre ita hetan buat foun oinsa mak ita bele estuda no analiza konaba buat sira ne'e hotu. Ne'e mak liafuan badak hosi sira nain hitu (7) ne'e be hala'o estagio iha Suco Haturalan, Sub-Distritu Laleia, Distritu Manatuto.

Sira Ne'ebe iha Foto ne'e mak naran DULCIO, MAMI GAYU, BEI OAN (ATO), AGI no MAUN LUIS. Sira estajiadus iha Laleia nian.

This Website

wwwcarmotimor.blogspot.com/////.

NE'E MAK AMI NIA FOTO

ENTRE AMI SEMPRE UNIDO NAFATIN

Hau ho kolegas sira sempre hare malu diak hanesan maun ho alin.